Ég var úti hjá torf húsinu og var að fara spila golf, það var girðing í kringum anda pollinn og húsið og þar voru nokkrar ný bornar beljur í hólfinu og ég ætlaði að slá golf kúluna þar inni og út úr hólfinu þá tók ég eftir að ein beljan var að byrja að bera ég ætlaði að drífa mig að slá kúluna en þá tók ég eftir dauðum kálfi, allar lappirnar voru dottnar af við hné og hausinn var líka dottinn af búknum. Hinn kálfurinn var ný fæddur og allt virtist vera í lagi. það var annar kálfur að hnusa að beinunum hálf hræðslulegur, ég sparkaði beinunum frá og reyndi að reka hann frá. Ég tók eftir því að ný fæddi kálfurinn var við góða heilsu, ég hljóp á eftir honum, hann hljóp í hringi, ég reyndi að sparka í hann, ekki í reiði heldur til þess að gá hvort að hann var í lagi en ég hitti hann ekki, hann forðaði sér undan. Síðan stoppaði ég og bað fyrir honum. Ég bað að kálfurinn mætti lifa; Guð ég bið að þessi kálfur megi lifa, gefðu að þessi kálfur megi lifa en ekki deyja eins og hinn kálfurinn, ég stend í gegn þér djöfull og bind þig í Jesú nafni og ég leysi út sigur fyrir líf Jesús, ég batt allar árásir frá óvininum og leysti út sigur í Jesú nafni. 

Girðingin þíðir Kristið umhverfi hérna á Íslandi, kálfurinn sem var að fæðast þíðir það nýja sem er að gerast í kirkjunni,  það er það sem Guð er að gera núna á þessum dögum. Kálfurinn sem var dauður þíðir það gamla sem Guð gerði en það var ekki lengur á lífi. kálfurinn sem starði á þann dauða og þorði ekki að fara frá honum þetta er fólkið sem var á fullu í því sem Guð gerði einu sinni en þorir ekki að sleppa því sem Guð var að gera og fara af stað og taka þátt í því nýja sem Guð er að gera í dag.  Margt af þessu er til mín en ég trúi því að sumt af þessum draum sé fyrir fólkið til þess að það sjái hvað Guð vill og viti að það sem er að gerast núna er frá Guði komið.

Einn sem vill ekki láta nafn síns getið. 

Var að koma af magnaðri samkomu í Kærleikanum, þar sem Jeff Garvin var að þjóna, svakaleg nærvera Guðs og spádómur fyrir Ísland sunginn út í langan tíma, get ekki haft það hér eftir nákvæmlega, en vil þó nefna að Guð er að kalla Ísland út úr myrkrinu, hann er að kalla syni sína og dætur út úr myrkrinu, því myrkri sem djöfullinn hefði umlukið fólkið með, hann kallar á dópistana og vændiskonurnar og bara alla þá sem í myrkri eru, hann kallar þá með nafni, hann er að kalla á fólk til þjónustu við sig, til að prédika, til að spá, til að lækna sjúka, til að opna augu blindra og heyrnalausra og málausa, og reisa upp dauða og héðan færu margir út til þjóðanna í Jesú nafni. Fólk myndi vakna upp á nóttinni og fá drauma og sýnir er Guð kallaði og vekti fólk upp með eldi. Hann orðaði þetta svona Iceland sem niceland.
Það var margt meira sem hann söng og talaði út og þar á meðal um eld Guðs.

Þegar hann söng út spádómsorðin sá ég sýn; Ég sá svartan stein eða klett, þessi steinn eða klettur var frosið Ísland. Kletturinn var kolsvartur og kaldur, ég sá eld Guðs byrja að loga allt um kringum klettinn og undir honum líka þannig að þessi kaldi klettur byrjaði smá saman að hitna þar til hann fór að hitna í gegn ekki ólýkt kolamola sem varð smá saman rauðglóandi. Eftir því sem að kletturinn Ísland hitnaði meir og meir þá fór fólkið að taka meira og meira við sér ekki ólýkt því þegar maður stendur berfættur á logandi kolum að hitinn varð óþægilegur og fólkið varð að gera eitthvað í Jesú nafni, það varð bara að fara af stað í Jesú nafni.

Það hafa sést margar sýnir um eld Guðs fara um Ísland, ég hef séð þennan eld fara frá suðurströndinni í austurátt og allan hringinn í kringum landið og einnig sem eldstólpa sem snérist eins og hvirfilvindur. Það er eitthvað byrjað að gerast og fer vaxandi og ég finn í anda mínum að þetta er rétt að byrja.

Það magnaða við þetta er það að mig langaði til að byrja að syngja út sýnirnar sem ég hef séð, sagði Þóru frá sýninni og hún söng hana út í Heilögum Anda í fyrirbæninni, magnað

Ég sá í byrjun árs 2007 sýn á bænastund í Bænahúsinu, ég sá marga litla báta af öllum stærðum og gerðum.
Ég spurði Guð hvað þetta væri, hann sagði þetta eru heimahópar sem ég ætla að reisa upp út um allt land.
Ég hef séð þessa sýn nokkrum sinnum síðan þá í nokkrum útgáfum og með mismunandi áherslum. Það er engin spurning að Guð er að leggja áherslur á heimahópa til að taka utan um fólk, það er staðreynd að fólk kemur í heimahópa sem ekki kemur í kirkju eða á samkomur.
Eldur Guðs mun núna fara sem eldur í sinu, hús úr húsi út um allt Ísland og frá Íslandi út til annara landa
Ella í Bænahúsinu sagði að bátur væri líka (leadership), Guð er að þjálfa og reisa upp leiðtoga.
Núna er tíminn að setja af stað heimahóp og bjóða vinum og kunningjum eða einhverjum úr fjölskyldunni, Nói smíðaði örk til björgunnar sjálfum sér og heimilis fólki sínu, eins kemur blessun inn á heimili okkar og við hýsum engla án þess að vita okkur og öðrum sem koma á heimili okkar til blessunnar.
Ef þú vilt koma í heimahóp en veist ekki hvert þú getur farið þá hafðu samband við mig og ég get fundið út úr því fyrir þig arnith@simnet.is

Guð er að reisa upp sterkan ósýnilegan her í gegnum heimahópa sem mun stíga fram í einingu.
Í Postulasögunni lesum við að þeir hittust bæði í heimahúsum og í helgidóminum (kirkjunni)

Postulasagan 46-47
Daglega komu þeir saman með einum huga í helgidóminum, þeir brutu brauð í heimahúsum, neyttu fæðu saman í fögnuði og einlægni hjartans.

47Þeir lofuðu Guð og höfðu vinsældir af öllum. En Drottinn bætti daglega við í hópinn þeim, er frelsast létu.

Postulasagan 5:42
Létu þeir eigi af að kenna dag hvern í helgidóminum og í heimahúsum og boða fagnaðarerindið um, að Jesús sé Kristur.

Postulasagan 20:20
Þér vitið, að ég dró ekkert undan, sem yður mátti að gagni verða, heldur boðaði yður það og kenndi opinberlega og í heimahúsum.

Sá mig í sýn í október 2008 standa upp á múrvegg sem varðmaður, það kom dökkt stórt ský yfir sjóndeildarhringinn sem nálgaðist mjög hratt uns ég gat ekki séð neitt lengur út úr augum ofan af veggnum.
Ég hoppaði þá niður af veggnum niður á jörðina fyrir utan múrinn.

Tilfinningin sem ég hafði varðandi sýnina var sú að þetta var greinileg viðvörun um það sem var að koma. Það að ég skyldi hoppa niður af veggnum fannst mér vera að eina leiðin í stöðunni var að auðmýkja sig undir Guðs voldugu hönd.

Á þessum tímapunkti var ég að vinna fyrir mann og grunaði mig strax að hann myndi ekki borga mér fyrir vinnunna og reyndist það vera rétt þar sem ég er ekki enn búinn að fá krónu frá því að ég sá sýnina, núna í dag þegar ég rifja upp sýnina þá finnst mér einnig þetta geta átt við þetta hrun í efnahag Íslands, sem gerðist síðar.

Ég var á samkomu í dag og prédikarinn var að tala út frá Hebreabréfinu 4:7
Á jarðvistardögum sínum bar hann fram með sárum kveinstöfum og táraföllum bænir og auðmjúk andvörp fyrir þann, sem megnaði að frelsa hann frá dauða, og fékk bænheyrslu vegna guðhræðslu sinnar.

Og einnig út frá sögunnni miskunnsama samverjan.

Þá kom orð Drottins til mín svohljóðandi sem ég talaði út á samkomunni:
Gefið gætur að hverjum öðrum og því fremur sem þið sjáið að dagurinn færist nær.
það er kominn dómur, það er kominn dómur, það er kominn dómur yfir heiminn,
en þeir sem leita mín og halda  boðorð mín munu finna náð í mínum augum segir Drottinn Guð.
Tvö boðorð eru öllum boðorðum æðra;  Elska skalt þú Drottin, Guð þinn, af öllu hjarta þínu, allri sálu þinni og öllum huga þínum og Þú skalt elska náunga þinn eins og sjálfan þig.

10 daga, samkirkjuleg bæna-, lofgjörðar- og föstu átak.

Dagana 4 til 14 nóvember verður samkirkjuleg 10 daga bæna, lofgjörðar og föstu átak fyrir landinu okkar undir yfirskriftinni "Komi þitt ríki svo á jörðu sem á himni". Það verður bæn og lofgjörð dag og nótt, þar sem tveggja tíma vaktir verða skipulagðar í einu. Þessi bæna- og lofgjörðar tími mun byrja kl. 20:00 þann 4. nóvember og enda kl. 20:00 þann 14. nóvember 2008 í húsnæði Kærleikans Faxafeni 8.

Dagana 7 til 9 nóv. verður mót og gestur mótsins er Kirk Bennett sem er stofnandi Zadok House of prayer í Charlotte í USA. Sjá dagskrá mótsins í viðhengi, en laugardaginn 8. nóvember kl. 10-12 verður sérstök kennsla fyrir leiðtoga (forstöðufólk, bænaleiðtoga og aðra leiðtoga innan safnaðanna).

Bænahúsið og Kærleikurinn hafa haft frumkvæðið af þessum atburði, en hugmyndin er að allir söfnuðir komi að þessu í einingu Andans. Nú er tími Guðs til að endurreisa alla hluti og þær þrengingar sem ganga yfir okkar þjóð munu verða til blessunar ef við lyftum upp nafni Drottins og hrópum niður áætlun Guðs fyrir Ísland. Því er haft samband við alla söfnuði til að taka þátt í föstunni og koma til bæna og lofgjörðar í húsnæði Kærleikans Faxafeni 8 dagana 4 til 14 nóv.

Það fer örugglega ekki fram hjá neinum þeir uggvænlegu tímar sem við erum gengin inn í sem einstaklingar og þjóð, erfiðir tímar eru núna framundan fyrir íslensku þjóðina, núna reynir heldur betur á okkur öll, á þolgæði okkar og styrk.

Í byrjun ársins 2008 talaði Drottinn til mín að á þessu ári myndu gerast hlutir sem aldrei hefðu gerst áður, þetta ár yrði eins og nýtt upphaf að mörgu sem myndi líta dagsins ljós næstu árin, ég ætla ekki að fara nánar inn í þetta núna en mun gera það ef Guð lofar síðar. Eitt af því sem ekki hefur gerst í svona miklum mæli áður sést greinilega í veðurfarinu, einnig er hægt að nefna árangur íslenska landsliðsins í kína og síðast en ekki síst fjármála erfiðleikarnir sem við stöndum frammi fyrir núna.
Þegar erfiðleikar steðja að í hinu veraldlega þá reynir meira á það hvar við stöndum í hinu andlega en nokkru sinni áður, Biblían hvetur okkur til að líta upp til Drottinns á tímum þrenginga sem koma munu yfir alla heimsbyggðina.
Í Lúkasarguðspjalli 21 kafla er að finna eftirfarandi orð:
    26Menn munu gefa upp öndina af ótta og kvíða fyrir því, er koma mun yfir heimsbyggðina, því að kraftar himnanna munu bifast.
    27Þá munu menn sjá Mannssoninn koma í skýi með mætti og mikilli dýrð.
    28En þegar þetta tekur að koma fram, þá réttið úr yður og lyftið upp höfðum yðar, því að lausn yðar er í nánd."
    29Hann sagði þeim og líkingu: "Gætið að fíkjutrénu og öðrum trjám.
    30Þegar þér sjáið þau farin að bruma, þá vitið þér af sjálfum yður, að sumarið er í nánd.
    31Eins skuluð þér vita, þegar þér sjáið þetta verða, að Guðs ríki er í nánd.
    32Sannlega segi ég yður: Þessi kynslóð mun ekki líða undir lok, uns allt er komið fram.
    33Himinn og jörð munu líða undir lok, en orð mín munu aldrei undir lok líða.
    34Hafið gát á sjálfum yður, að hjörtu yðar þyngist ekki við svall og drykkju né áhyggjur þessa lífs og komi svo dagur sá skyndilega yfir yður 
    35eins og snara. En koma mun hann yfir alla menn, sem byggja gjörvalla jörð. 
    36Vakið því allar stundir og biðjið, svo að þér megið umflýja allt þetta, sem koma á, og standast frammi fyrir Mannssyninum."

Aðfara nótt 3 október vaknaði ég upp eftir að hafa dreymt tvo drauma sem ég skrifaði niður ásamt öðrum atriðum sem kom til mín að skrifa niður í samhengi draumana.
Það gerist ekki oft að ég vakna svona upp á nóttunni til að skrifa niður eða biðja en það hefur þó gerst nokkrum sinnum í gegnum þau ár sem eru líðin en hefur ekki verið eins oft og styttra á milli þess eins og núna síðast liðin 2 ár.
Þegar ég var að skrifa niður það sem kom til mín aðfaranótt 3. október, þá fannst mér einnig eins og ég þyrfti að fara niður á hnéin og biðja fyrir landi okkar og þjóð og það kom mjög sterkt til mín vegna erfiðleika og þrenginga sem núna steðjuðu að. Fann mikilvægi þess að biðja Guð um vernd og styrk yfir fólkið í landinu og að biðja algóðan Guð að senda út sína góðu engla til að vernda og þjóna inn í líf fólks og til að koma í gegn þeim illu öflum sem núna myndu nota tækifærið og herja á þjóðina og ekki síst á þá sem láta hugfallast og eru veikir fyrir. Djöfullinn er eins og öskrandi ljón sem gengur fram og aftur leitandi af þeim sem hann getur gleypt, ég sá eins og forðum er Ísraelsmenn voru í Egyptalandi engill dauðans banka á dyr og hversu áríðandi er núna að vera undir vernd Jesús Krists, undir blóði hans.
Ísraelsmenn settu dýra blóð á dyrnar sínar og engill dauðans fór fram hjá, eins getum við verið undir vernd blóðs Jesús Krists með því að ákalla Jesú nafn og blóð hans.
Margir hafa fallið fyrir eigin hendi undanfarin ár á Íslandi og ég fann bæna neyð fyrir því að vernd Guðs komi yfir fólkið í landinu til að slíkt gerist ekki. Ég hvet alla sem lesa þetta að vera vakandi í bæninni og að lifta upp Jesú nafni og að vera vakandi að uppörva, hvetja og hugga þá sem í kringum okkur eru og ekki síst biðja fyrir hvort öðru.

Lausnin er ekki fólgin að taka sitt eigið líf eða að reyða sig á eigin styrk heldur að leita Drottins og treysta honum af öllu hjarta, því hann mun vel fyrir sjá.
Það er trú mín og sannfæring að þrátt fyrir þá miklu erfiðleika sem eru framundan þá séum við einnig að ganga inn í mest spennandi tíma núna sem aldrei fyrr þar sem Guð mun sanna sig og sitt himneska ríki hérna á jörðu í miklum mætti og mikilli dýrð fyrir sinn heilaga anda í gegnum þá sem tilheyra honum og eru heilshugar við hann.
Drottinn vill nota mig og þig til að útbreiða orð sáttargjörðarinnar, látið sættast við Guð og menn í Jesú nafni, amen.

Að lokum vil ég benda þeim á það sem lesa þetta að skrifa hérna fyrir neðan jákvæð innlegg til þeirra sem heyja þessa glímu þeim til hjálpar, því að hvatning, huggun og kærleiksávarp megnar mikils.