Tími framkvæmda

"Timi framkvæmda" er setningin sem ég vaknaði með í morgun og sá í framhaldinu sýn; hvernig stífla brestur og vatn flæðir fram er við gerum vilja Guðs. 1 Kronikubók 14:11 Héldu þeir þá til Baal Perasím. Og Davíð vann þar sigur á þeim, og Davíð sagði: Guð hefir látið mig skola burt óvinum mínum, eins og þegar vatn ryður sér rás.

Demetria Stallings bað okkur í gær á samkomu í CTF okkur sem sátum hægra megin að biðja Guð að gefa okkur draum eða sýn eða orð til að koma með í dag á samkomu.
Ég vaknaði með setninguna í huga mér í morgun; tími framkvæmda eða tími kominn til að framkvæma verk Guðs.  Verk Guðs er að trúa. Í framhaldinu sá ég sýn er hvernig vatn brýst fram í gegnum hindrun sem er í farveginum. Sýnin af brostnu hjarta sem á rann í gegnum sem ég sá í janúar í byrjun ársins varð aftur ljóslifandi fyrir mér og einnig sýnin af múrvegg sem hélt aftur af vatni sem sprakk, smelltu hérna til að lesa um þá sýn. Þegar báðir helmingar hjartans færðust saman þá hækkaði vatnið uns flæddi yfir allt hjarta laga grasið. Sá þessa sýn í janúar sem vakningu eins og segir í Esikel 47 kafla.

Fyrri Kroninubók 14:9-11
Og Filistar komu og dreifðu sér um Refaímdal.
¹⁰Þá gekk Davíð til frétta við Guð og sagði: Á ég að fara móti Filistum? Munt þú gefa þá í hendur mér? Drottinn svaraði honum: Far þú, ég mun gefa þá í hendur þér.
¹¹Héldu þeir þá til Baal Perasím. Og Davíð vann þar sigur á þeim, og Davíð sagði: Guð hefir látið mig skola burt óvinum mínum, eins og þegar vatn ryður sér rás. Fyrir því var sá staður nefndur Baal Perasím.

Djöfullinn reynir að hindra okkur að gera vilja Guðs. Hindrun er eins og stífla sem reynir að stoppa flæði Guðs. Guð vill að við höldum afram og framkvæmum það sem hann hefur sett í okkur að framkvæma. Í sálmi 23 segir hann býr okkur borð frammi fyrir fjendum okkar. Fjendur okkar er hold, heimur og djöfull. Allt þetta þrennt er hindrun að vilji Guðs verði í okkar lífum. Er við berjumst að borðinu, borðið er í því allra helgasta. Þá verður gegnumbrot og vatn Guðs flæðir fram. Það getur ekkert stöðvað vilja Guðs, flæði Guðs í okkar lífi nema við sjálf (holdið), er við veljum að berjast að borði Drottins, sem sagt fara úr forgarði tjaldbúðarinnar inn í það helga með að berjast að borðinu, þá verður gegnumbrot og við förum inn í það allra helgasta. Það má líkja þessu við stíflu sem spryngur eða að það flæðir yfir hana eftir að vatnið hefur safnast upp öðrum veginn við vegginn. Það er kominn tími á það að Guðs fólk geri vilja Guðs og berjist í gegn, hættum að sætta okkur við það að vera bara í forgarðinum. Komum verki Guðs í gang, berjumst að borðinu, förum úr eyðimörkinni yfir ána Jórdan alla leið inn í Kanansland.

Margir halda að bikar okkar verði barmafullur eins og segir í Sálmi 23 sjálfkrafa, en svo er ekki. Við þurfum fyrst að berjast að borðinu með því að framkvæma það sem Guð hefur boðið okkur að gera og þá kemur smurningin og bikar okkar flæðir yfir. Er við stígum út úr okkar þægindum þá kemur smurning Guðs yfir og yfirflæði verður.

Sálmur 23
Davíðssálmur. Drottinn er minn hirðir, mig mun ekkert bresta.
²Á grænum grundum lætur hann mig hvílast, leiðir mig að vötnum, þar sem ég má næðis njóta.
³Hann hressir sál mína, leiðir mig um rétta vegu fyrir sakir nafns síns.
⁴Jafnvel þótt ég fari um dimman dal, óttast ég ekkert illt, því að þú ert hjá mér, sproti þinn og stafur hugga mig.
⁵Þú býr mér borð frammi fyrir fjendum mínum, þú smyr höfuð mitt með olíu, bikar minn er barmafullur.
⁶Já, gæfa og náð fylgja mér alla ævidaga mína, og í húsi Drottins bý ég langa ævi.

ævi.

27.9.2011

Vaknaði eftir að hafa dreymt draum kl. 5:04 (sjá Jesaja 54 kafli) 

Dreymdi draum í nótt, í draumnum var kona er heitir Guðbjörg og í draumnum var veður að breytast, var að koma snjókoma (hef séð snjókomu sem vitjun Guðs, sem rema (núna) orð frá Guði.)

Drottinn gaf mér orð er ég vaknaði að hann væri að vekja upp fólk. Orðið er svona; Barnið er komið í burðarliðinn, fæðingarhríðarnar eru byrjaðar, en það er enginn kraftur til að fæða fram vilja minn segir Drottinn, ég hef kallað mörg hver ykkar lengi til ákveðinna starfa en þið hafið ekki sinnt því sem skyldi, heldur þverskallast. Þið hafið ekki brugðist við kalli mínu, kall mitt gengur enn á ný út í dag, enn er tími til að bregðast við kalli mínu segir Drottinn, en sá tími er að verða naumur. (fékk ritningarvers í Mattheus 22:1-14, boðið til brúðkaups en fólkið afsakaði sig með hinu og þessu, því það var svo upptekið og versin í Haggaí 1 kafla, að þeir flýttu sér með sitt hús en hús Drottins lá í eyði, þess vegna söfnuðu þeir í götótta pyngju og svo framvegis. Vegna þess að ég hef kallað ykkur til margvíslegra verkefna en þið hafið ekki sinnt því, þess vegna hefur sú áætlun sem hefði átt að vera komin í uppfyllingu dregist á langinn, það vantar kraftinn til að fæða það fram sem tímans vegna ætti að vera komið fram. Vilji Guðs til heilla en ekki óhamingju.

Guð er að kalla mörg hver okkar til ákveðinna starfa og þar á meðal til bæna fyrir hvort öðru og þjóð okkar. Ég finn hvernig Guð er að minna mig á ólíklegasta fólk til að biðja fyrir þó svo að það sé ekki nema stuttar bænir í önnum dagsins. Ég sjálfur hef verið sofandi enn finn að Guð er að vekja upp og þessi vitjun kemur sem aðvörun um að vakna upp áður en það er of seint. Guð aðvarar okkur mildilega í kærleika sínum til að vakna upp og bregðast við kalli hans sem er á lífi okkar. Hann er að kalla suma inn í samfélag við sig og inn í bænina, öðrum hefur hann falið verkefni að vinna fyrir sig eða þjónustu, þú hefur fundið þetta sem bank á þínu lífi en ekki sinnt því. Ég hef  til dæmis fundið bankað á hjarta mitt að tala út orðið á Omega, og á Lindinni og að segja öðrum frá með því að vitna fyrir fólki, en ekki brugðist almennilega við því en finn þessa knýjandi þörf. Vinir það er kominn tími á trúboð, að taka inn uppskeruna. Ég fann það í dag að ég varð að bregðast við því að tala þetta orð út.

Mörg hver ykkar munu bregðast við kalli mínu segir Drottinn því að það er enn tími þó svo að áliðið sé og barnið, þar að segja mín áætlun mun ná fram að ganga með ykkar líf og svo margra. Sum ykkar munu þó missa af og ljósastikan mun verða færð úr stað til þeirra sem munu bregðast við kalli mínu. Bregðist við kalli mínu svo ógæfan komi ekki yfir landið, því að ég hef áætlun til heilla en ekki óhamingju með líf ykkar segir Drottinn Guð.

Um daginn fékk ég vitjun (sjá grein; http://video.123.is/blog/2011/09/20/543300/) um hvað bænin skiptir miklu, öllu máli til að bægja frá ógæfu, illum öflum, hættum og hörmungum og að við þyrftum að íklæðast styrk Drottins og krafti máttar hans og fara í öll herklæðin til að nota það vald sem Guð hefur gefið okkur. Ég fann hversu bænin er megnug að jafnvel hreyfa við náttúru hamförum að þau verði ekki og að við þurfum að biðja að slíkt gerist ekki heldur að fólk vakni upp og taki stöðu sína.

Akrarnir eru hvítir til uppskeru en það vantar verkamenn. Eftir því sem tíminn færist nær þá verður rödd Drottins háværari og háværari. Tákn tímana, fæðingarhríðar, lúður hljómurinn, ómurinn verður hærri og hærri. Drottinn mun ná til fleiri og fleiri til þess að tala út orð í tíma töluð, hann er að reisa upp varðmenn til að biðja og tala út orð sitt málamiðlunnarlaust. Sumir munu skilja þetta aðrir ekki.

Drottinn blessi ykkur

Ritningarvers;

Mattheus 22:1-14
Þá tók Jesús enn að tala við þá í dæmisögum og mælti:
²Líkt er um himnaríki og konung einn, sem gjörði brúðkaup sonar síns.
³Hann sendi þjóna sína að kalla til brúðkaupsins þá, sem boðnir voru, en þeir vildu ekki koma.
⁴Aftur sendi hann aðra þjóna og mælti: Segið þeim, sem boðnir voru: Veislu mína hef ég búið, uxum mínum og alifé er slátrað, og allt er tilbúið, komið í brúðkaupið.
⁵En þeir skeyttu því ekki. Einn fór á akur sinn, annar til kaupskapar síns,
⁶en hinir tóku þjóna hans, misþyrmdu þeim og drápu.
⁷Konungur reiddist, sendi út her sinn og lét tortíma morðingjum þessum og brenna borg þeirra.
⁸Síðan segir hann við þjóna sína: Brúðkaupsveislan er tilbúin, en hinir boðnu voru ekki verðugir.
⁹Farið því út á vegamót, og bjóðið í brúðkaupið hverjum þeim sem þér finnið.
¹⁰Þjónarnir fóru út á vegina og söfnuðu öllum, sem þeir fundu, vondum og góðum, svo að brúðkaupssalurinn varð alskipaður gestum.
¹¹Konungur gekk þá inn að sjá gestina og leit þar mann, sem var ekki búinn brúðkaupsklæðum.
¹²Hann segir við hann: Vinur, hvernig ert þú hér kominn og ert ekki í brúðkaupsklæðum? Maðurinn gat engu svarað.
¹³Konungur sagði þá við þjóna sína: Bindið hann á höndum og fótum og varpið honum í ystu myrkur. Þar verður grátur og gnístran tanna.
¹⁴Því að margir eru kallaðir, en fáir útvaldir.

Orðskviðirnir14:14
Rangsnúið hjarta mettast af vegum sínum svo og góður maður af verkum sínum.

Haggaí 1 kafli; http://biblian.is/default.asp?action=pick&book=36&chap=1

Opinberunarbókin 2:3-5
Þú ert þolgóður og byrðar hefur þú borið fyrir sakir nafns míns og ekki þreytst.
⁴En það hef ég á móti þér, að þú hefur afrækt þinn fyrri kærleika.
⁵Minnst þú því, úr hvaða hæð þú hefur hrapað, og gjör iðrun og breyttu eins og fyrrum. Að öðrum kosti kem ég til þín og færi ljósastiku þína úr stað, ef þú gjörir ekki iðrun.

Efesus 6 kafli; http://biblian.is/default.asp?action=pick&book=48&chap=6

Jesaja 66:7-9
Hún fæðir, áður en hún kennir sín, hún er orðin léttari að sveinbarni, áður en hún tekur jóðsóttina.
⁸Hver hefir heyrt slíkt? Hver hefir séð slíka hluti? Er nokkurt land í heiminn borið á einum degi, eða fæðist nokkur þjóð allt í einu? Því að óðara en Síon hefir kennt sóttar, hefir hún alið börn sín.
⁹Skyldi ég láta barnið komast í burðarliðinn og ekki láta það fæðast? segir Drottinn. Eða skyldi ég, sem læt barnið fæðast, loka móðurkviðnum? segir Guð þinn.

Síðari Konungabók 19:3
og skyldu þeir segja við hann: Svo segir Hiskía: Þessi dagur er neyðar-, hirtingar- og háðungardagur, því að barnið er komið í burðarliðinn, en krafturinn er enginn til að fæða.

Jesaja 37:3
og skyldu þeir segja við hann: Svo segir Hiskía: Þessi dagur er neyðar-, hirtingar- og háðungardagur, því að barnið er komið í burðarliðinn, en krafturinn er enginn til að fæða.

Hósea 13:13
Kvalir jóðsjúkrar konu koma yfir hann, en hann er óvitur sonur. Þótt stundin sé komin, kemur hann ekki fram í burðarliðinn.

Aðvörun
Ákall til bæna!

Þriðjudagur 20 september 2011 kl. 3.45.
Ég vaknaði og fann mig knúinn til þess að skrifa eftirfarandi línur niður og setja á netið.

7 september dreymdi mig eldgos við kirkjubæjaklaustur. Í draumnum sá ég mikinn bjarma þar yfir. Þetta voru tveir bjarmar sem voru svo nálægt hvor öðrum að þeir virtust sameinast í einn stóran bjarma. Þar sem ég stóð og horfði á eldgosið þá gaus Geysir mikið nær mér stórum vatnsstrók upp úr jörðinni og þar nálægt kom svo annar strókur svipað og kom úr Geysi nema að þetta var eldstrókur. Fannst þetta geta tengst draumi / vitjun sem mig dreymdi um þrjú eldgos þar sem gömul kirkja brann og á sama tíma var Guð að vekja fólk upp (þessi draumur minnti mig sterklega á þann draum, í þeim draum brann gömul svört timbur kirkja). sjá grein: http://video.123.is/blog/2010/10/28/531155/

Þremur dögum síðar kemur Rósa Lind dóttir mín til mín, (hún er tíu ára gömul) og segir við mig pabbi mig dreymdi það að Katla væri að gjósa og við pökkuðum niður í töskur til að flytja til útlanda (ég hef beðið börnin mína að segja mér ef þau dreyma áhugaverða drauma).

Núna í fyrri nótt dreymdi mig það að ég var að vitna í fjölmiðlum um það að gangan með Guði væri ganga í gegnum hæðir og dali og í dölunum væru hindranir, erfiðleikar sem þyrfti að takast á við og komast i gegnum (jafnvel þótt ég fari í gegnum dimman dal þá ert þú með mér bað Davíð í sálmi 23) og væri það mun auðveldara er maður leitaði Guðs í orði og bæn. Er ég var að vitna um þetta þá endaði ég vitnisburðinn á því að segja síðastliðinn hálfan mánuð er ég einmitt búinn að vera að fara í gegnum svona dal hindranir og núna er mikil þörf á því að biðja kröftuglega í gegn þó svo að manni líði ekki þannig og um leið þá vaknaði ég og vissi að ég ætti að hvetja Kristið fólk til að biðja núna sem aldrei fyrri. Í stað þess að falla í freistni og láta það ganga yfir sem er að ganga yfir eins og ekkert sé að fara í herklæðin og biðja í gegn kröftuglega. Kom til mín ritningarvers; Hann býr mér borð frami fyrir fjendum mínum og guðsríkið er ofríki beitt.
Ég fann mjög sterkt að ég ætti að hvetja fólk opinberlega til þess að ákalla Jesú nafn og taka í bænastrenginn. Er ég bað vilt þú Drottinn að ég tali út hvatningu þessa eðlis þá fann ég milda nærveru Guðs koma yfir eins og hann segði já. Þú sem þekkir ekki kraft bænarinnar og Jesú nafns og þú sem þekkir en hefur orðið hálfvolgur ákallaðu nafn Drottins Jesú núna.
Guð hefur undanfarið verið að tala mjög skýrt til mín með njósnamennina sem voru sendir inn í  Kaananslans af Ísraelsmönnum til að kanna landið. Nær allir nema tveir menn sögðu landið er óvinnandi og gerðu lítið úr Guði og fyrirheitum hans. Tveir menn Jósúa og kaleb höfðu annan anda og töluðu líf í nafni Drottins Guðs. Vinir það er á tungunnar valdi að tala líf og dauða í þeim aðstæðum sem við erum í sem einstaklingar og þjóð og þar kemur játning orðs Guðs og bænin mjög sterkt inn.

Núna í nótt þá vaknaði ég við það að mig var að dreyma og í draumnum þá var ég að segja Carolyn konunni minni að hætta að gefa mér straum í eyrun með heyrnartól, þetta var svo raunverulegt að hún heyrði mig segja upp hátt;  Hættu og hún vaknaði af svefni er ég gaf henni olnbogaskot. Carolyn sagði mér að hún var að dreyma mikla jarðskjálfta einhverstaðar úti á landi er ég vakti hana með þessu olnbogaskoti og einnig að hún fór til fólks sem hún þekkir á Selfossi og þá voru þau með bænastund. Það kom til mín strax er hún sagði þetta að hún ætti að segja þeim að byrja með bæna hóp heima hjá sér. Þetta sem ég er að skrifa er einsdæmi, þetta gerist venjulega ekki hjá okkur Carolyn að við vöknum svona upp á nóttinni. Allt í einu vorum við bæði glað vakandi klukkan 3:45 að nóttu til og ég finn að Drottinn byrjar að tala sterkt til mín og ég sé svona eldrauða yfirskrift á því AÐVÖRUN (HÆTTA).

Það sem Drottinn talaði til mín er svo hljóðandi; Það er mikil hætta á eldgosi / náttúruhamförum, biðjið fyrir því að svo verði ekki. Ég fann svo sterkt fyrir því hvað vægi bænarinnar er mikið. Þetta er í annað skiptið á mjög stuttum tíma sem ég finn að Guð er að sýna mér sterklega að bænin getur haldið aftur af því hvað gerist í náttúrunni hvað þá andlegum öflum. Ég fann að ég ætti að skrifa þessar línur og setja þær á netið til að hvetja fólk til bæna (eiga samfélag við Jesú Krist). Biðja í gegn því að eldgos verði og biðja þess í stað að það verði andleg vakning á meðal okkar sem þjóðar. Við viljum svo oft vanmeta mátt bænarinnar því að hún er svo einföld, en bænin hreyfir við andlegum öflum og Guð starfar í gegnum bænir og hann hefur allan mátt að starfa með að halda aftur af náttúruöflunum er við biðjum (Jesús sagði; ef þessir myndu ekki hrópa munu steinarnir hrópa. Jesús hastaði líka á storminn. Það eru nokkrir aðrir staðir í ritningunni hvernig bæn getur  hreyft við öflum, Guði og sköpunarverkinu). Ég fékk ritningar vers í Jakopsbréfinu 5:17 þessu til staðfestingar: Elía var maður sama eðlis og vér, og hann bað þess heitt, að ekki skyldi rigna, og það rigndi ekki yfir landið í þrjú ár og sex mánuði. ¹⁸Og hann bað aftur, og himinninn gaf regn og jörðin bar sinn ávöxt.

Vinir núna er tími til þess að VAKNA upp og ákalla Jesú nafn og BIÐJA HEITT.

Ég vaknaði klukkan 3:45 til að skrifa þetta og það kom til mín að það væri Jakopsbréfið 3, 4 og 5 kafli sem ég hvet ykkur til að lesa.

Trúboð         

Samantekt Árni Þórðarson, 18. Mars 2011

Orð sem kom til mín aðfaranótt 18 mars 2011 varðandi trúboð, ég var búinn að skrifa eftirfarandi orð um klukkan sex um morgunin.

Í dag langar mig til þess að tala við ykkur um trúboð. Ég ætla að byrja að lesa fyrir ykkur vers sem margir kannast við í Efesusarbréfinu 4 kafla, versi 11; Og frá honum (Jesú) er sú gjöf komin, að sumir eru postular, sumir spámenn, sumir trúboðar, sumir hirðar og kennarar.

Það eru ekki allir með þá köllun og þjónustu á lífi sínu að vera trúboðar, aðeins sumir eins og fram kom í versunum sem ég var að lesa, en allir sem hafa eignast samfélag við Jesú Krist eiga og geta vitnað um nafn Jesús Krist, um það hver hann er og hvað hann hefur gert fyrir okkur.

1. Pétursbréf 2:9-10
En þér eruð útvalin kynslóð, konunglegt prestafélag, heilög þjóð, eignarlýður, til þess að þér skuluð víðfrægja dáðir hans, sem kallaði yður frá myrkrinu til síns undursamlega ljóss.
¹⁰Þér sem áður voruð ekki lýður eruð nú orðnir Guðs lýður. Þér, sem ekki nutuð miskunnar, hafið nú miskunn.

Við sjáum að í þessum versum að við eigum að víðfrægja dáðir Jesús í okkar lífi til annara, hans sem kallaði okkur frá myrkrinu til síns undursamlega ljóss. Þegar við vitnum um Drottinn og um það sem hann hefur gert fyrir okkur þá gefum við öðrum tækifæri á að eignast það sama og við höfum eignast í samfélaginu við Drottinn okkar og frelsara Jesúm Krist. Öll höfum við frá einhverju að segja sem Drottinn hefur gert fyrir okkur, það að hann hafi auðsýnt kærleika sinn til okkar meðan við enn vorum í syndum okkar er meira en nóg til að vitna um. Hann frelsaði okkur ekki vegna okkar eigin réttlætisverka heldur vegna síns blóðs sem rann á krossinum á Golgata og í þeirri laug þar sem Heilagur Andi hefur gert okkur að nýrri sköpun í honum, það gamla er horfið, sjá nýtt er orðið til! Er við segjum öðrum frá Jesú og því sem hann hefur gjört og er að gjöra þá veitum við öðrum tækifæri á því að eignast það sama og við höfum eignast í Guði. Ef okkur hefði ekki verið sagt frá á sínum tíma þá værum við kannski ekki á þeim stað í dag að eiga samfélag við Jesúm Krist.

Okkur ber skylda til þess að segja öðrum frá, ókeypis höfum við fengið ókeypis látum við í té. Okkur ber skylda til þess að gefa öðrum það tækifæri að eignast það sama og við, eylíft líf í Jesú Kristi, ekki bara líf, heldur líf í fullri gnægð. Vilt þú eiga líf í fullri gnægð með Jesú Kristi? Ef svo er þá hvet ég þig til þess að vitna um Drottinn. Það þarf ekki að vera flókin orð eða prédikun, einfaldlega segðu öðrum bara að Jesús lifir í dag, segðu öðrum að þú hafir kinnst því að eigin raun að hann sé raunverulegur og það mun breyta öllu. Það mun fyrst og fremst breyta þínu eigin lífi ásamt því að þú hefur gefið öðrum tækifæri að eignast það líf sem aðeins Jesús kristur getur gefið, kærleika, frið og gleði svo eitthvað sé nefnt og endurlausn um alla eylífð. Þegar þú segir öðrum frá þá er það ekki þitt verk að sannfæra um synd, réttlæti og dóm heldur er það verk Heilags Anda. Það er verk Heilags Anda að sannfæra um synd réttlæti og dóm. Jesús sagði í Jóhannes 14 kafla í versi 7-11 Ég segi yður sannleikann: Það er yður til góðs, að ég fari burt, því ef ég fer ekki, kemur hjálparinn ekki til yðar. En ef ég fer, sendi ég hann til yðar.
⁸Þegar hann kemur, mun hann sanna heiminum, hvað er synd og réttlæti og dómur,
⁹syndin er, að þeir trúðu ekki á mig,
¹⁰réttlætið, að ég fer til föðurins, og þér sjáið mig ekki lengur,
¹¹og dómurinn, að höfðingi þessa heims er dæmdur.

Það eina sem við þurfum að gera er að opna munn okkar og tala sannleika Guðs, Guð sér síðan um restina, hann starfar þá fyrir Heilagan Anda á hjörtum fólksins. Orð Guðs snýr ekki til baka fyrr en það hefur unnið það verk sem Guð fól því að framkvæma. Þegar við segjum öðrum frá þá byrjar Guð að starfa samkvæmt því í lífum annara og það leysir okkar eigið líf einnig. Guð staðfestir alltaf sitt orð.

Esíkel  33:1-9
Orð Drottins kom til mín, svohljóðandi:
²Mannsson, tala þú til samlanda þinna og seg við þá: Þegar ég læt sverð koma yfir eitthvert land, og landsmenn taka mann úr sínum hóp og gjöra hann að varðmanni sínum,
³og hann sér sverðið koma yfir landið og blæs í lúðurinn og gjörir fólkið vart við,
⁴ef þá sá, er heyrir lúðurþytinn, vill ekki vara sig, og sverðið kemur og sviptir honum í burt, þá mun blóð hans vera á höfði honum sjálfum.
⁵"Hann heyrði lúðurþytinn, en varaði sig þó ekki; blóð hans hvíli á honum. En hinn hefir gjört viðvart og frelsað líf sitt."
⁶En sjái varðmaðurinn sverðið koma, og blæs þó ekki í lúðurinn, svo að fólki er ekki gjört vart við, og sverðið kemur og sviptir einhverjum af þeim burt, þá verður þeim hinum sama burt svipt fyrir sjálfs hans misgjörð, en blóðs hans vil ég krefja af hendi varðmannsins.
⁷Þig, mannsson, hefi ég skipað varðmann fyrir Ísraels hús, til þess að þú varir þá við fyrir mína hönd, er þú heyrir orð af munni mínum.
⁸Þegar ég segi við hinn óguðlega: Þú hinn óguðlegi skalt deyja! og þú segir ekkert til þess að vara hinn óguðlega við breytni hans, þá skal að vísu hinn óguðlegi deyja fyrir misgjörð sína, en blóðs hans vil ég krefja af þinni hendi.
⁹En hafir þú varað hinn óguðlega við breytni hans, að hann skuli láta af henni, en hann lætur samt ekki af breytni sinni, þá skal hann deyja fyrir misgjörð sína, en þú hefir frelsað líf þitt.

Alvarleg orð en þess virði að taka mark á þeim, Guð er að blása í lúður til að vekja okkur upp, bregðunst rétt við því kalli!

Það má líkja þessu á einfaldan hátt við dauða hafið, það rennur vatn í það en það rennur ekkert úr því og þess vegna þrífst ekkert líf í því. Galeleu vatn er frábrugðið að því leiti að það rennur bæði vatn í það og úr því og þess vegna er það fullt af lífi, fullt af fiski. Þannig er okkar líf, ef við veitum ekki öðrum það sem við höfum fengið hlutdeild í með Guði á einn eða annan hátt þá stöðnum við á göngunni með Guði og líf okkar verður innihald laust, en ef við miðlum öðrum af því sem Guð hefur veitt okkur þá kemur velþóknun Guðs yfir okkar líf. Það ekki bara flæðir inn í okkar líf heldur einnig frá okkur stöðuglega til annara, við stöðuglega gefum af okkur og fáum þá meira frá Guði. Ég hef fengið að reyna þetta á stórkostlegan hátt og ég hvet ykkur  til að reyna það sama. Það segir í Ljóðaljóðunum hann kyssir mig kossi munns síns og er þar verið að vísa til kærleika Guðs inn í okkar líf er hann snertir okkur með orði sannleikans fyrir sinn Heilagan Anda. Við eignumst þennan koss brúðguma sálar okkar er við segjum öðrum frá og þá fá aðrir það tækifæri að snertast af kærleika Guðs.

Rómverjabréfið 10 kafli frá og með 6 versi, þar segir;
En réttlætið af trúnni mælir þannig: Seg þú ekki í hjarta þínu: Hver mun fara upp í himininn? það er: til að sækja Krist ofan,
⁷eða: Hver mun stíga niður í undirdjúpið? það er: til að sækja Krist upp frá dauðum.
⁸Hvað segir það svo? Nálægt þér er orðið, í munni þínum og í hjarta þínu. Það er: Orð trúarinnar, sem vér prédikum.
⁹Ef þú játar með munni þínum: Jesús er Drottinn og trúir í hjarta þínu, að Guð hafi uppvakið hann frá dauðum, muntu hólpinn verða.
¹⁰Með hjartanu er trúað til réttlætis, en með munninum játað til hjálpræðis.
¹¹Ritningin segir: Hver sem trúir á hann, mun ekki til skammar verða.
¹²"Ekki er munur á Gyðingi og grískum manni, því að hinn sami er Drottinn allra, fullríkur fyrir alla þá sem ákalla hann;"
¹³því að hver sem ákallar nafn Drottins, mun hólpinn verða.
¹⁴En hvernig eiga þeir að ákalla þann, sem þeir trúa ekki á? Og hvernig eiga þeir að trúa á þann, sem þeir hafa ekki heyrt um? Og hvernig eiga þeir að heyra, án þess að einhver prédiki?
¹⁵Og hver getur prédikað, nema hann sé sendur? Svo er og ritað: Hversu fagurt er fótatak þeirra, sem færa fagnaðarboðin góðu.
¹⁶En þeir hlýddu ekki allir fagnaðarerindinu. Jesaja segir: Drottinn, hver trúði því, sem vér boðuðum?
¹⁷Svo kemur þá trúin af boðuninni, en boðunin byggist á orði Krists.
¹⁸En ég spyr: Hafa þeir ekki heyrt? Jú, vissulega, raust þeirra hefur borist út um alla jörðina og orð þeirra til endimarka heimsbyggðarinnar.

Ég hvet þig hlustandi góður að taka mark á þessum orðum, sem eru ekki mín orð heldur orð Guðs og segja öðrum frá. Þá mun líf þitt gjör breytast til hins betra. Ertu á stað þar sem þú finnst þú hafa misst það sem þú hafðir í Guði, eins og þú hafir þornað upp og misst kraftinn og ferskleikan í Guði? Ef svo er segðu þá öðrum frá því að Jesús er raunverulegur og þú munt eignast nýja ferska reynslu með Guði.

Kannski ert þú hlustandi góður á þeim stað að þú hefur ekki eignast þessa fullvissu fyrir því að Jesús sé sá sem hann segist vera í sínu orði biblíunni? Ef svo er þá hvet ég þig til þess að staldra við eina stund til þess að kanna málið, gefðu þessu tækifæri. Gefðu Guði tækifæri á þessu augnabliki, opnaðu hjarta þitt og hleyptu honum inn með því að segja; Jesús ef þú ert raunverulegur þá vil ég gefa þér tækifæri á því að sýna mér það í dag komdu inn í líf mitt með kærleika þinn, fyrirgefðu mér syndir mínar og frelsaðu mig. Er þú opnar líf þitt á þennan hátt þá munt þú fá að reyna þau orð sem ég hef verið að tala til þín, þú munt komast að því að Jesús er raunverulegur og að hann elskar þig nákvæmlega eins og þú ert og hann hefur sannan tilgang með líf þitt. Fyrirætlun til heilla en ekki óhamingju að veita þér vona ríka framtíð. Ég vildi bara gefa þér tækifæri til þess að eignast samfélag við Jesús Krist áður en ég held áfram með þessa hvatningu mína. Efesusarbréfið 1:17-23 Ég bið þess að Guð opinberist þér, ég bið Guð Drottins vors Jesú Krists, föður dýrðarinnar, að gefa þér anda speki og opinberunar, svo að þú fáir þekkt hann.
¹⁸Ég bið hann að upplýsa sálarsjón yðar, svo að þér skiljið, hver sú von er, sem hann hefur kallað oss til, hver ríkdómur hans dýrlegu arfleifðar er, sem hann ætlar oss meðal hinna heilögu,
¹⁹og hver hinn yfirgnæfandi máttur hans við oss, sem trúum. En þetta er sami áhrifamikli, kröftugi mátturinn,
²⁰sem hann lét koma fram í Kristi, er hann vakti hann frá dauðum og lét hann setjast sér til hægri handar í himinhæðum,
²¹ofar hverri tign og valdi og mætti, ofar öllum herradómi og sérhverju nafni, sem nefnt er, ekki aðeins í þessari veröld, heldur og í hinni komandi.
²²Allt hefur hann lagt undir fætur honum og gefið hann kirkjunni sem höfuðið yfir öllu.
²³En kirkjan er líkami hans og fyllist af honum, sem sjálfur fyllir allt í öllu. Amen.

Núna vil ég beina orðum mínum til þín á ný sem ert að hlusta, þú sem hefur snerst af Guði, þú sem hefur eignast þessa fullvissu fyrir því að Jesús er sá sem hann segist vera. En þú hefur svona eins og ekki tekið þau skref að opna munninn til að segja öðrum frá því að Guð sé raunverulegur í Kristi Jesús. Þú finnur þennan ótta og jafnvel vanmátt að taka þessi skref, við þig vil ég segja það að eina leiðin til að losna frá slíku er að stíga þessi skref og þá munt þú líka finna velþóknun Guðs föður koma yfir þitt líf alveg eins og er hann kom yfir Jesús og sagði; þessi er minn elskaði sonur sem ég hef velþóknun á.

Ég veit og geri mér grein fyrir að við vinnum okkur ekki inn velþóknun Guðs með verkum okkar því að Guð elskar okkur nákvæmlega eins og við erum í Jesú Kristi en þetta er samt sem áður leyndardómur sem þú munt ekki fá að upplifa, SEM MUN EKKI UPPLJÚKAST FYRIR ÞÉR nema á þennan eina hátt að þú kannist við Krist frammi fyrir mönnum og segir öðrum frá.
það segir í orðinu að ef við könnumst ekki við Jesús frammi fyrir mönnum, þá mun hann ekki kannast við okkur frammi fyrir föður sínum á himnum. Þung orð en einnig mjög blessuð ef að við könnumst við Jesú Krist frammi fyrir mönnum. Svo margir glíma við ótta við það hvernig fólk bregst við því er við játum Jesú Krist frammi fyrir öðrum, en ég segi við þig í dag að ég hef reynt það sjálfur að maður frelsast frá þessum ótta er maður opnar munninn og segir öðrum frá. Guð gaf okkur ekki anda hugleysis, heldur anda máttar, kærleiks og stillingar.

Jeremía 1:17-19
En gyrð þú lendar þínar, statt upp og tala til þeirra allt, sem ég býð þér. Vertu ekki hræddur við þá, til þess að ég gjöri þig ekki hræddan frammi fyrir þeim.
¹⁸Sjá, ég gjöri þig í dag að rammbyggðri borg og að járnsúlu og að eirveggjum gegn öllu landinu, gegn Júdakonungunum, gegn höfðingjum þess, gegn prestum þess og gegn öllum landslýðnum,
¹⁹og þótt þeir berjist gegn þér, þá munu þeir eigi fá yfirstigið þig, því að ég er með þér til þess að frelsa þig Drottinn segir það.

Vá þetta er svo magnað, þetta eru svo blessuð orð og þau segja það sem segja þarf þessu varðandi!

Og  1. Pétursbréf 4:12-14 segir;
Þér elskaðir, látið yður eigi undra eldraunina, sem yfir yður er komin yður til reynslu, eins og yður hendi eitthvað kynlegt.
¹³Gleðjist heldur er þér takið þátt í píslum Krists, til þess að þér einnig megið gleðjast miklum fögnuði við opinberun dýrðar hans.
¹⁴Sælir eruð þér, er þér eruð smánaðir vegna nafns Krists, því að andi dýrðarinnar, andi Guðs hvílir þá yfir yður.
¹⁵Enginn yðar líði sem manndrápari, þjófur eða illvirki eða fyrir að hlutast til um það, er öðrum kemur við.
¹⁶En ef hann líður sem kristinn maður, þá fyrirverði hann sig ekki, heldur gjöri Guð vegsamlegan með þessu nafni.

Í okkar mannlega eðli er þessi ótti við það hvernig fólk tekur okkur og því er við segjum öðrum frá, ótti við höfnun og aðkast. Það er svo magnað og blessað að er við förum í gegnum það eins og segir í þessum versum að þá tökum við þátt í píslum Krist og að við fáum þá gleði sem er fólgin samhliða því og andi dýrðarinnar kemur yfir okkur. Þetta er svo magnað að fá að upplifa. Guð opinberast okkur á þessum stað á algjörlega nýjan hátt, orðið opnast fyrir okkur á nýjan hátt því jú Kristur er hið lifandi orð. Og ekki bara það, dýrð Guðs kemur yfir okkar líf. Heyrðir þú hvað ég sagði, þú færð að smakka á dýrð Guðs og líf þitt verður ekki hið sama og áður. Hann gaf okkur ekki anda hugleisis heldur anda máttar, kærleiks og stillingar. Viltu upplifa þetta? Þjónaðu þá inn í líf annara á þann hátt sem þú einn getur gert.

Ég get sagt þér að fólk er mun opnara núna hérna heima en áður að hlusta á orð Guðs og þiggja fyrirbæn eftir að efnahags þrengingarnar urðu og allt er í óvissu. Fólk þarf á því að halda að við segjum öðrum frá og þjónum inn í líf þeirra. Það eru svo margir sem eiga erfitt og margir hafa jafnvel tekið líf sitt. Við þig sem átt erfitt og þú hefur verið að glíma við sjálfsmorðs hugsanir segi ég það er engin lausn fólgin í því að taka sitt eigið líf, lausnin er í Jesú Kristi, ákallaðu Jesú nafn og þú munt frelsast.

Það er orðið stutt eftir og Guð er að vinna hratt verk og hann þarf verkamenn til að taka inn uppskeruna áður en hann kemur aftur. Ég hvet þig hlustandi góður rístu upp og taktu stöðu þína í Jesú Kristi og þú munt fá að upplifa stórmerki Guðs í þínu lífi og annara.

Það er sigur fyrir orð vitnisburðarins og fyrir blóð lambsins. Þegar við segjum öðrum frá þá opnar það dyrnar að Guð geti starfað eins og hann þráir í lífum annara, þú ert verkfæri í höndum Guðs. Guð getur og ætlar að nota þig en það er undir þér einum komið, tími þess að bíða eftir því að gera vilja Guðs er liðinn, akrarnir eru hvítir til uppskeru.
Er þú segir öðrum frá þá rýmkar það um að fólk læknist og leysist, það þurfa ekki að vera mörg orð, þú getur til dæmis boðið fólki að biðja fyrir því sem er mun áhrifa ríkara en að leitast við að sannfæra fólk með orðum. Er þú biður fyrir fólki þá muntu komast að því að Guð snertir þá fólk á stórkostlegan hátt ekki vegna þess að þú orðaðir bænina svo vel eða að þú sért eitthvað, nei einungis vegna þess að þú baðst fyrir viðkomandi og það skiptir þá engu máli hvernig þú finnur þig heldur að þú baðst og Guð snerti. Er við vitnum og biðjum fyrir fólki þá snertir Guð, þá mætir Guð á svæðið langt fram yfir okkar væntingar og trú. Ég hef séð ótrúlega hluti gerast og fengið að upplifa ótrúlega hluti þó svo að ég hafi fundið mig í miklum veikleika við að stíga fram að tala orð Guðs og biðja fyrir fólki. Ég hef núna til dæmis beðið fyrir hátt í 1.000 manns sem hafa læknast og upplifað kraftaverk og snerst af Guði og endurleyst frá synd og djöflum. Ég er að tala um alvöru kraftaverk og lausn frá myrkri. Ég hef séð mállausa fá mál og heyrnarlausa fá heyrn og sjónlausa fá sjón og lamaða fá kraft í útlimi. Ég fór til Úganda 2007 og þar báðum við fyrir hátt í 200 manns sem læknuðust og áramótin 2009-2010 þá var ég á Indlandi og ég bað fyrir hátt í 500 manns sem læknuðust þar. Guð sagði við mig að ég ætti að stíga út á þetta sama hérna að biðja fyrir sjúkum andlega og líkamlega og hann myndi snerta og sanna sig, en ég þyrfti að hafa meira fyrir því, ég þyrfti að berjast meira fyrir því. Ég er búinn að hlýða Guði þessu varðandi og fjölmargir hafa snerst og læknast. Ég byrja fyrst að segja fólki frá því að Jesús sé raunverulegur og segi síðan frá öllum lækningunum sem ég hef orðið vitni að og svo bíð ég fólki fyrirbæn og nær undantekningarlaust þá læknast fólk eða snertist. Þegar  við segjum fólki frá lækningum og hvað Guð hefur gert þá skapar það og leysir fram það að slíkt hið sama gerist hjá öðrum. Guð er alltaf trúr orði sínu og starfar samkvæmt því en það er okkar að leysa það fram. Ég bað til dæmis fyrir tveimur mönnum í byrjun mars sem voru með bakverki og anna fótinn styttri en hinn og fæturnir lengdust á báðum mönnunum og þeir læknuðust. Þetta hefur ekkert með okkur að gera heldur hver Guð er. Ég hvet þig til að rísa upp og starfa fyrir Guð því að þetta er rétt byrjunin á því sem Guð á eftir að gera og hann ætlar að nota fáa eða marga, það er bara undir okkur komið að bregðast við þessu kalli eða ekki.

Að lokum mundu eftir Davíð hvernig hann fór af stað og felldi risan Golíat. Golíat hafði haldið Ísraels þjóðinni í ótta og kúgun, engin þorði að stíga fram og berjast við hann og vandamálið virtist alltaf verða stærra og stærra. Þetta ástand er ríkjandi á Íslandi í dag, fólk er að bíða eftir því að Guð geri eitthvað, sá tími að bíða er liðinn, við þurfum að rísa upp í Jesú nafni eins og Davíð og gefa út yfirlýsingu í anda heiminn eins og Davíð gerði og segja ég kem í gegn þér í Jesú nafni, ég stíg fram í Jesú nafni og við munum sjá risana falla, undur og stórmerki gerast.
Við förum af stað eins og Gídeon, nákvæmlega eins og við upplifum okkur hverju sinni, lítil og smá en er við bregðumst við kalli Guðs þá segir Guð við okkur; þú hrausta hetja far þú í þessum styrkleika þínum, ég er með þér. Er við gerum það þá munum sjá Guð gjöra máttuga hluti alveg eins og hann gerði fyrir hendur Gídeons og alla hina. Jú þeir voru bara menn eins og við.

Drottinn blessi þig í öllu sem þú tekur þér fyrir hendur að gjöra í Jesú blessaða nafni, amen.

Allt er tilbúið.

Orð sem kom til mín á laugardagsmorgni 18 júní 2011 á bæna og lofgjörðarstund í Vestmannaeyjum á 90 ára afmælishátið Hvítasunnuvakningarinnar þar 16-19 júní 2011:

Ég er hérna mitt á meðal ykkar segir Drottinn, nærvera mín er á þessum stað. Það virðist ekki eins og  mikið hafi verið að gerast á meðal þessarar þjóðar. En ég hef verið að vinna undirbúnings vinnu, vinnu sem er ekki mikið sýnileg. Ég hef verið að undirbúa jarðveginn, hjörtu manna og kvenna og ungu kynslóðina í þessu bæjarfélagi og á þessu landi. Jörðin er orðin frjósöm, tilbúin til sáningar og uppskeru.

Ég hef kallað ykkur og útvalið þið eruð mín. Það er köllun á lífi ykkar en það er eins og hún hafi ekki náð að uppfyllast algjörlega í lífi margra ykkar. Ég hef kallað og er að kalla ykkur til þess að hafa áhrif í kringum ykkur, til þess að hafa áhrif á fólkið í þessu landi til góðs. Ég hef kallað ykkur til samfélags við mig og útvalið ykkur að bera sannleika mínum vitni. Eins og ég sagði þá er eins og lítið hafi verið að gerast og að fólkið sé ekki mótækilegt fyrir mínu orði. En ég hef verið að vinna undirbúningsvinnu, undirbúa hjörtu manna og kvenna til að taka við orði mínu. Látið ekki ytra útlit, það sem virðist vera á yfirborðinu villa ykkur sýn eða það sem á undan er gengið, því að allt annað leynist undir niðri hjá svo mörgum. Margir eru í neyð og vita ekki sitt rjúkandi ráð og eru í þörf fyrir lausn og svör og þau vita ekki hvert þau eiga að snúa sér. Ég einn get mætt þessari þörf sem er til staðar.

Sjá segir Drottinn, ég mun enn á ný láta til mín taka, ég mun enn á ný vitja þessarar þjóðar. Ég vil nota ykkur sem verkfæri í mínum höndum. Sjá segir Drottinn ég læt anda minn koma yfir ykkur á ný. Ég mun endur nýja ykkur, blása ykkur í brjóst hvað þið eigið að gera og hvernig þið eigið að gera það. Verið opin og væntandi fyrir leiðsögn minni og fyrir því hvernig ég ætla að nota ykkur til þess að ná til fólksins í kringum ykkur.  Því ég á margar sálir á þessu landi sem ég vil nota ykkur til að ná til, ekki með valdi eða krafti heldur fyrir anda minn segir Drottinn Guð.

2. Kor. 3:17-18
Drottinn er andinn, og þar sem andi Drottins er, þar er frelsi.
¹⁸En allir vér, sem með óhjúpuðu andliti endurspeglum dýrð Drottins, ummyndumst til hinnar sömu myndar, frá dýrð til dýrðar. Þetta gjörir andi Drottins.

Þessi orð komu til mín í krafti og undir smurningu, ég beið með að tala þau út á bænastundinni og skrifaði þau niður. Um daginn fann ég hvernig Guð fór að eiga við mig að tala út á samkomu um kvöldið út frá þessum orðum að vakninginn væri byrjuð að flæða í ökla eins og segir í Esíkel 47 kafla en aðeins í þeim mæli sem við myndum stíga út íklædd skóm fúsleikans að flytja fagnaðarboðskap friðarins. Ég hef sjaldan upplifað eins mikla baráttu að tala út orð eins og er ég talaði þetta orð út á samkomunni í Vestmannaeyjum. Ekki að vakningin væri að koma heldur að hún væri byrjuð.

Guð hefur lagt það á hjarta mitt að tala fyrir vakningu og trúboði, ég hef fundið mikið hversu djöfullinn er reiður því að hann vill ekki að við rísum upp og tökum stöðu okkar. Er við förum af stað og endurspeglum dýrð Guðs út a við til fólksins þá munum við sjá mikla uppskeru og margar sálir munu koma til Drottins. Ég er þakklátur Guði og þeim sem hafa fylgt þessum orðum eftir.

Drottinn blessi ykkur.
Kærleiks kveðja,

Árni Þórðarson

Fyrir nokkrum árum var ég á Kotmóti.

Sá ég þá sýn sem ég hef stundum verið minnt á síðan.

Á samkomunni með Morris Cerullo, varð þessi sýn svo lifandi að ég ákveð að segja frá henni hér.

Sýnin:

Ég var á gangi á strönd.

Stórum drumbum.

Úrvals hráefni.

En allt vel sjóblautt.

Öðru hvoru kom andi Guðs eins og eldslogi yfir þessa drumba.

Eldurinn blossaði upp um stund, en varð síðan í besta falli að glóð.

Stór meirihluti hvíldi áfram sjóblautur.

Það er einhver með mér þar sem ég geng eftir ströndinni.

Ég spyr hann hvað þetta sé.

Hann segir; Þetta er mitt fólk á Íslandi.

Það fólk sem á að bera þá endatímavakningu sem ég hef áætlað fyrir Ísland.

Ég spyr þá; Hvað er til ráða.

Svarið sem ég fæ er;

Fyrir mér er ekkert ómögulegt.

Mundu eftir Elía á Karmelfjalli.

En það þarf að biðja þetta allt í mínar hendur.

Ekki þreytast að biðja

__________

Þegar ég fer á samkomuna 6.5.2011.

Þá er ég sleginn af þessari sýn aftur.

Bæn mín er nú að Morris Cerullo verði fullkomlega það verkfæri í vakningunni á Íslandi sem Guð ætlar honum að vera.

Með kveðju,

Ingileif Steinunn Kristjánsdóttir

Dreymdi í nótt klukkan fjögur að ég var að aferma bíl með Gunna bróðir ásamt öðrum, við vorum að taka steypuhrærivél og ýmislegt annað af bílnum. Þetta var seint um kvöld, klukkan var nokkrar mínútur í 12 á miðnætti. Allt í einu koma tveir drukknir menn labbandi þar sem við vorum að vinna og þekkti ég annan þeirra í sjón. Þótti mér frekar erfitt að heilsa honum þar sem ég hélt kannski að það myndi kosta hávaða fyrir fólkið í húsunum í kring þar sem það var svo áliðið. Þetta virtist frekar venjulegur draumur, ég  glaðvaknaði þó strax eftir drauminn og lá andvaka og finn þá hvernig Guð vill að ég fari fram til þess að biðja.
Ég finn hvernig Guð leiðir mig til þess að biðja fyrir drukkna manninum og systir hans sem ég þekki vel (hún hefur kynnst Guði en ekki fundið sig hvar hún eigi að vera). Þegar ég fer að biðja þá átta ég mig á ráðningu draumsins og ég fæ ritningarvers, einnig fæ ég bænarefni til að biðja fyrir sem ég ætla einnig að deila með ykkur hérna og þá getið þið einnig beðið fyrir því.

Fann er ég fór að biðja að bænin er núna. ÞAÐ ER ORÐIÐ STUTT EFTIR. Við vorum að afferma bílinn nokkrar mínútur í 12 á miðnætti. Á miðnætti þá kvað við hróp brúðguminn kemur sjá Mattheus 25 kafla. Biðjum Guð um að vekja okkur upp til að taka stöðu okkar í bæninni  í samfélaginu við sig. Gætum þess að vera of upptekin af vinnu eða einhverju öðru sem hindrar okkur að gefa okkur tíma til bæna. Eins og brúðkaupsgestirnir sem voru boðnir til brúðkaups en þeir afsökuðu sig að þeir þyrftu frekar að gera hitt og þetta. Getum lesið nánar um boðið til brúðkaups í Mattheus 22:1-14.
Biðjum að við séum ekki drukkin, heldur að við mættum vaka og biðja.

Lúkas 21:34-36
³⁴Hafið gát á sjálfum yður, að hjörtu yðar þyngist ekki við svall og drykkju né áhyggjur þessa lífs og komi svo dagur sá skyndilega yfir yður
³⁵eins og snara. En koma mun hann yfir alla menn, sem byggja gjörvalla jörð.
³⁶Vakið því allar stundir og biðjið, svo að þér megið umflýja allt þetta, sem koma á, og standast frammi fyrir Mannssyninum.

Það er ekki verið að tala um að vera drukkin af víni þarna heldu að vera fullur af einhverju öðru en Guði.

Biðjum Guð um að mæta fólki sem ráfar um núna eins og villuráfandi sauðir sem að hafa engan hirði og finna sér ekki andlegt heimili. Biðja Guð um að reisa upp andleg heimili og andlega hirða fyrir allt þetta fólk sem finnur sig ekki neinstaðar. Biðja Guð um að leyða þetta fólk inn um dyrnar sem er Jesús að það megi ganga inn og út og finna haga. Ganga upp brú og inn um dyrnar eins og á örkinni hans Nóa að fólk finni sinn andlega hvíldarstað og skjól í Guði til að geta vaxið og dafnað. Að fólk finni sitt andlega heimili, sinn andlega stað við fætur Drottins.

Biðjum Guð um að fólk vakni upp og finni þá þörf að það eins og verði bara að gera eitthvað í sínum málum, að það finni þá þörf að það verði bara að koma til Drottins Jesús eins og segir í Sakaría 8:23  Svo segir Drottinn allsherjar: Á þeim dögum munu tíu menn af öllum þjóðtungum grípa í kyrtilfald eins Gyðings og segja: "Við viljum fara með ykkur, við höfum heyrt að Guð sé með ykkur."

Biðja Guð um að úthella anda sínum yfir fólk að það vakni upp og finni sterka þörf fyrir Drottinn, það sterka þörf að það grípi í næsta mann og segi; hvernig get ég kostað kapps um að þekkja Drottinn? Og það fólk sem að þekkir Drottinn en hefur farið frá vakni þá upp er gripið er á þennan hátt í þau og þau spurð; hvernig get ég þekkt Drottinn? Að þetta fólk vakni upp og komi til sjálfs sín eins og týndi sonurinn og snúi við og fari heim í faðm Guðs og dragi hina með sér. Biðjum Guð um að forða okkur frá því að við séum eins og eldri bróðirinn. Biðjum að Guð reisi upp andlega feður og mæður sem eru til staðar.  Að það komi lækning og græðsla á sár þjóðarinnar við þessa úthellingu Drottins með bænar og líkna anda. Að fólk vakni upp í tíma og ó tíma eins og ég núna í nótt til þess að biðja. Að við finnum okkur eins og knúin til þess að biðja.

Ritningarvers:

Jesaja 30:26
Þá mun tunglsljósið verða sem sólarljós, og sólarljósið sjöfaldast, eins og sjö daga ljós, þann dag er Drottinn bindur um sár þjóðar sinnar og græðir hennar krömdu undir.

Jesaja 44:3-5
Því að ég mun ausa vatni yfir hið þyrsta og veita árstraumum yfir þurrlendið. Ég mun úthella anda mínum yfir niðja þína og blessan minni yfir afsprengi þitt.
⁴Þeir skulu spretta upp, eins og gras milli vatna, eins og pílviðir á lækjarbökkum.
⁵Einn mun segja: Ég heyri Drottni, annar mun kalla sig nafni Jakobs, og enn annar rita á hönd sína Helgaður Drottni og kenna sig við Ísrael.

Lúkas 15:10-22
Ég segi yður: Þannig verður fögnuður með englum Guðs yfir einum syndara, sem gjörir iðrun.
¹¹Enn sagði hann: Maður nokkur átti tvo sonu.
¹²Sá yngri þeirra sagði við föður sinn: Faðir, lát mig fá þann hluta eignanna, sem mér ber. Og hann skipti með þeim eigum sínum.
¹³Fáum dögum síðar tók yngri sonurinn allt fé sitt og fór burt í fjarlægt land. Þar sóaði hann eigum sínum í óhófsömum lifnaði.
¹⁴En er hann hafði öllu eytt, varð mikið hungur í því landi, og hann tók að líða skort.
¹⁵Fór hann þá og settist upp hjá manni einum í því landi. Sá sendi hann út á lendur sínar að gæta svína.
¹⁶Þá langaði hann að seðja sig á drafinu, er svínin átu, en enginn gaf honum.
¹⁷En nú kom hann til sjálfs sín og sagði: Hve margir eru daglaunamenn föður míns og hafa gnægð matar, en ég ferst hér úr hungri!
¹⁸Nú tek ég mig upp, fer til föður míns og segi við hann: Faðir, ég hef syndgað móti himninum og gegn þér.
¹⁹Ég er ekki framar verður að heita sonur þinn. Lát mig vera sem einn af daglaunamönnum þínum.
²⁰Og hann tók sig upp og fór til föður síns. En er hann var enn langt í burtu, sá faðir hans hann og kenndi í brjósti um hann, hljóp og féll um háls honum og kyssti hann.
²¹En sonurinn sagði við hann: Faðir, ég hef syndgað móti himninum og gegn þér. Ég er ekki framar verður að heita sonur þinn.
²²Þá sagði faðir hans við þjóna sína: Komið fljótt með hina bestu skikkju og færið hann í, dragið hring á hönd hans og skó á fætur honum.
²³Sækið og alikálfinn og slátrið, vér skulum eta og gjöra oss glaðan dag.
²⁴Því að þessi sonur minn var dauður og er lifnaður aftur. Hann var týndur og er fundinn. Tóku menn nú að gjöra sér glaðan dag.
²⁵En eldri sonur hans var á akri. Þegar hann kom og nálgaðist húsið, heyrði hann hljóðfæraslátt og dans.
²⁶Hann kallaði á einn piltanna og spurði, hvað um væri að vera.
²⁷Hann svaraði: Bróðir þinn er kominn, og faðir þinn hefur slátrað alikálfinum, af því að hann heimti hann heilan heim.
²⁸Þá reiddist hann og vildi ekki fara inn. En faðir hans fór út og bað hann koma.
²⁹En hann svaraði föður sínum: Nú er ég búinn að þjóna þér öll þessi ár og hef aldrei breytt út af boðum þínum, og mér hefur þú aldrei gefið kiðling, að ég gæti glatt mig með vinum mínum.
³⁰En þegar hann kemur, þessi sonur þinn, sem hefur sóað eigum þínum með skækjum, þá slátrar þú alikálfinum fyrir hann.
³¹Hann sagði þá við hann: Barnið mitt, þú ert alltaf hjá mér, og allt mitt er þitt.
³²En nú varð að halda hátíð og fagna, því hann bróðir þinn, sem var dauður, er lifnaður aftur, hann var týndur og er fundinn.

Jeremía  23:1-4
Vei hirðunum, sem eyða og tvístra gæsluhjörð minni! segir Drottinn.
²Fyrir því segir Drottinn, Ísraels Guð, svo um hirðana, sem gæta þjóðar minnar: Þér hafið tvístrað sauðum mínum og sundrað þeim og ekki litið eftir þeim. Sjá, ég skal vitja vonskuverka yðar á yður segir Drottinn.
³En ég vil sjálfur safna leifum hjarðar minnar saman úr öllum löndum, þangað sem ég hefi rekið þá, og leiða þá aftur í haglendi þeirra, og þeir skulu frjóvgast og þeim fjölga.
⁴Og ég vil setja hirða yfir þá, og þeir skulu gæta þeirra, og þeir skulu eigi framar hræðast né skelfast og einskis þeirra skal saknað verða segir Drottinn.

Mattheus 22:1-14
Þá tók Jesús enn að tala við þá í dæmisögum og mælti:
²Líkt er um himnaríki og konung einn, sem gjörði brúðkaup sonar síns.
³Hann sendi þjóna sína að kalla til brúðkaupsins þá, sem boðnir voru, en þeir vildu ekki koma.
⁴Aftur sendi hann aðra þjóna og mælti: Segið þeim, sem boðnir voru: Veislu mína hef ég búið, uxum mínum og alifé er slátrað, og allt er tilbúið, komið í brúðkaupið.
⁵En þeir skeyttu því ekki. Einn fór á akur sinn, annar til kaupskapar síns,
⁶en hinir tóku þjóna hans, misþyrmdu þeim og drápu.
⁷Konungur reiddist, sendi út her sinn og lét tortíma morðingjum þessum og brenna borg þeirra.
⁸Síðan segir hann við þjóna sína: Brúðkaupsveislan er tilbúin, en hinir boðnu voru ekki verðugir.
⁹Farið því út á vegamót, og bjóðið í brúðkaupið hverjum þeim sem þér finnið.
¹⁰Þjónarnir fóru út á vegina og söfnuðu öllum, sem þeir fundu, vondum og góðum, svo að brúðkaupssalurinn varð alskipaður gestum.
¹¹Konungur gekk þá inn að sjá gestina og leit þar mann, sem var ekki búinn brúðkaupsklæðum.
¹²Hann segir við hann: Vinur, hvernig ert þú hér kominn og ert ekki í brúðkaupsklæðum? Maðurinn gat engu svarað.
¹³Konungur sagði þá við þjóna sína: Bindið hann á höndum og fótum og varpið honum í ystu myrkur. Þar verður grátur og gnístran tanna.
¹⁴Því að margir eru kallaðir, en fáir útvaldir.

Sýn sem Guð gaf og opinberun í lok 40 daga samkirkjulegu föstunnar:

Sýnin sem Guð gaf undirrituðum á bænastund 13. mars í Bænahúsinu var eftirfarandi:  Ég sá Drottinn standa fyrir framan mig með leirkefli á milli handa sinna.  Hann brýtur keflið í tvennt og þá sé ég að það er hollt að innan eða eins og innsigli.  Innan í því er samanrúllað skjal sem Hann rúllar út og heldur síðan skjalinu þannig að ég sé að það er þéttskrifuð ein síða með fallegri skrift og undirskrift er í lok bréfsins.  Ég get ekki lesið hvað er á skjalinu, en andi Guðs segir við að undirskriftin sé Konungsins (sem er Jesús Kristur) og þessi leyndardómur Guðs muni verða opinberaður okkur í lok fjörutíu daga föstunnar. 

Þann 16. apríl á þverkirkjulegri bænastundinni "BÆNAÁKALL 2011" talaði Drottinn til mín í sambandi við leyndardóminn á skjalinu sem ég sá í sýninni þann 13. mars.  Hann sagði að það sem væri ritað á skjalið væri einhliða sáttmáli Guðs sem var gerður löngu áður fyrir tíma núverandi kynslóðar.  Þetta var sáttmáli sem Hann gerði vegna þess að hinir Kristnu á Íslandi höfðu beðið um úthellingu andans yfir landið.  Sáttmáli sem átti að uppfyllast á settum tíma sem enginn vissi nema Guð einn og núna væri settur tími Guðs fyrir úthellingu andans yfir Ísland.  Þessi úthelling mun verða eftir sama módeli og í Esekíel kafla 47, þar sem vatn flæðir frá musteri Guðs í fjórum flóðbylgjum.  Fyrsta flóðbylgja andans mun fara eins og í ökkla, en bylgja númer tvö mun flæða upp í hné.  Þriðja flóðbylgja andans mun ná upp í mjöðm og síðasta flóðbylgjan mun ná yfir höfuð. 

Esekíel 47:1-12.
¹Síðan leiddi maðurinn mig aftur að dyrum musterisins. Þá sá ég að vatn kom upp undan þröskuldi hússins og rann til austurs, en framhlið hússins sneri í austur. Vatnið streymdi upp við hægri hlið hússins, sunnan við altarið.  ²Þá leiddi hann mig út um norðurhliðið, fór með mig að musterishliðinu. Þar streymdi vatnið fram við suðurhliðina.  ³Þegar maðurinn kom út austan megin hafði hann mælikvarða í hendi. Hann mældi þúsund álnir og lét mig vaða yfir vatnið sem tók mér í ökkla. ⁴Þá mældi hann aftur þúsund álnir og lét mig vaða yfir vatnið sem nú tók mér í hné. Hann mældi enn þúsund álnir og lét mig vaða yfir og þá tók vatnið mér í mjöðm. ⁵Hann mældi enn þúsund álnir og var þá vatnið orðið að fljóti sem ég gat ekki vaðið yfir. Það var orðið svo djúpt að synda varð yfir það. Það var orðið óvætt fljót.  ⁶Hann spurði mig: "Mannssonur, sástu þetta?" Því næst sneri hann við og leiddi mig aftur að fljótsbakkanum. ⁷Þegar ég kom þangað aftur sá ég fjölmörg tré á fljótsbökkunum beggja vegna. ⁸Þá sagði hann við mig: "Þetta vatn streymir út á landsvæðið fyrir austan, síðan rennur það niður Jórdanardal og fellur loks í hafið og þá verður saltvatnið heilnæmt ⁹og allt sem lifir og hrærist, hvar svo sem fljótið streymir, mun lifa. Fiski mun fjölga stórum þar sem fljótið kemur því að þar verður vatnið heilnæmt og allt gæðist lífi þar sem fljótið streymir.¹⁰Frá En Gedí og alla leið til En Eglaím munu fiskimenn standa við það og þar verða net breidd til þerris. Þar verða fjölmargar tegundir fiska og fjöldi þeirra verður eins og í hafinu mikla.     ¹¹En mýrarnar og fenin fá ekki ferskt vatn, þau eru ætluð til saltvinnslu. ¹²En á báðum bökkum fljótsins munu hvers kyns aldintré vaxa. Lauf þeirra mun ekki visna og ávextirnir, sem þau bera, aldrei þverra. Í hverjum mánuði bera þau nýja ávexti því að vatnið í fljótinu kemur frá helgidóminum. Ávextirnir verða hafðir til matar og blöðin til lækninga."

Þessar flóðbylgjur andans munu kveikja nýtt líf í þeim trúuðu sem hafa verið trúfastir og einnig munu þeir sem hafa fallið frá trúnni fá nýtt tækifæri og munu endurnýjast fyrir anda Guðs.  Úthelling andans mun byrja rólega og eftir því sem við tökum á móti flæði andans með þakklæti og auðmýkt mun Drottinn úthella meira.  Það sem mun kalla fram næstu bylgju er hungur og eining meðal hinna kristnu og að Guði sé gefin dýrðin fyrir hræringu andans.  Við munum fá að sjá gríðarleg margföldunar áhrif í Guðsríkinu þar sem fólk að frelsast í stórum hópum, margir munu læknast og nýir ferskir vindar andans munu blása um kirkjuna.  Hvert gegnumbrotið á fætur öðru verður í kirkjunni og líka út í öllu þjóðfélaginu.  Einnig mun verða mikill hraði á öllu eftir þriðju flóðbylgju andans og við munum upplifa tíma í Guðsríkinu sem við höfum aldrei séð áður.  Kærleikur, gleði, fögnuður og frelsi mun snerta allt íslenskt samfélag.  Þetta mun ekki bara hafa áhrif á íslenskt þjóðfélag heldur mun þessi úthelling andans dreifast út til heimsbyggðarinnar.

Biðjum að þetta spámannlega orð mætti verða að fullri mynd sem fyrst og að við mættum bregðast við í auðmýkt og með þakklæti til konungs konunga sem er Drottinn Jesús Kristur.

Í þjónustu Konungsins,

Kolbeinn Sigurðsson

Bænahúsið, kristileg miðstöð

Bænaákall 2011 40 daga fasta og bæn

Það var blásið til 40 daga föstu ásamt bæn fyrir íslensku þjóðinni og kirkjunni þann 7. mars 2011.  Fastan byrjaði 7. mars og lauk 16. apríl með samkirkjulegri bænastund "BÆNAÁKALL 2011" í Fíladelfíu að Hátúni 2 í Reykjavík.  Drottinn gaf mörgum náð til að fasta í 40 daga á grænmeti og ávöxtum (Daníelsfasta) með vatnsföstum á milli.  Það sem var ánægjulegt hvað margir tóku einhvern þátt í föstunni og hver gerði eins og hann treysti sér til, en hvert lóð á vogarskálarnar í bæn og föstu skiptir miklu máli fyrir Ísland.

Það voru nokkrir skipulagðir bæna- og lofgjörðardagar á föstutímabilinu þar sem beðið var fyrir þjóðinni og kirkjunni, en þeir helstu voru:

6. mars kl. 11-18         Bænahúsið, Smiðjuvegi 4b, Kópavogi 

19.mars kl. 11-18        Hvítasunnu kirkjunni, Austurvegi 40b, Selfossi

23. mars kl. 20            Fíladelfía, Hátúni 2, Bænastund m/ John Beynon

24. mars kl. 10 - 18     Bænahúsið, Smiðjuvegi 4b, Kóp Bænadagur m/ John Beynon

9. apríl kl. 11-18         Kotinu, Hvítasunnukirkjunni, Fljótshlíð

16. apríl kl. 19 -22      Samkirkjuleg bænastund "BÆNAÁKALL 2011" Fíladelfíu, Hátúni 2


Loka þverkirkjulega bænasamkoman "BÆNAÁKALL 2011" var laugardaginn 16. apríl í hvítasunnukirkjunni Fíladelfíu, Hátúni 2 í Reykjavík.  Bænaákallið 2011 var frá kl. 19 og stóð til kl. 22 þar sem ungt fólk frá ýmsum kirkjum kom til að biðja fyrir íslensku þjóðinni.  Lofgjörð í spádómlegu flæði var á milli þess sem beðið var fyrir mismunandi bænarefnum tengd kirkjunni og þjóðinni.  Svo mikil blessun fylgdi unga kynslóðinni sem var fengin til þess að biðja bænarefnin út að fólkið klappaði eftir nánast hverja bæn.  Það var mikil nærvera Guðs sem óx eftir því sem leið á kvöldið.  Guð gaf sýnir og spámannlega söngva.  Þetta var þverkirkjulegur bænaviðburður þar sem við vildum með yfirlýsingu  og einingu okkar biðja út fyrirheiti Guðs fyrir þjóð okkar. 

Bæn fyrir kirkjunni

1. VAKNA

Bæn um Guð veki kirkju sína á Íslandi að við mætum lifa róttækari og helgaðra lífi.

2. AFTURHVARF - IÐRUN

Biðjum Drottinn um að kirkja Guðs á Íslandi mætti iðrast og auðmýkja sig í föstu og bæn.

3. OPINBERUN

Að Guð mætti opinbera hjarta sitt og leyndardóma sína fyrir kirkju sinni á Íslandi.

4. REISA UPP BÆN

Biðjum Guð að reisa upp bænaher og bænahópa víðs vegar á Íslandi.

5. TRÚA FYRIRHEITUNUM

Biðjum út fyrirheiti Drottins fyrir landinu, fyrir kirkjuna og að þau spádómsorð sem hafa komið með staðfestingum munu rætast á settum tíma.

6. NÝTT UPPHAF - ANNAÐ TÆKIFÆRI

Drottinn endurreisi fólk sem hefur þekkt Guð, en yfirgefið Hann og þá köllun sem hvílir yfir lífum þeirra.

7. FIMMFALDA ÞJÓNUSTAN RÍSI UPP

Biðja Guð um að reisa upp menn og konur sem hafa köllun sem postular, spámenn, trúboðar, hirðar og kennarar.

8. BIBLÍAN

Biðjum Guð að gefa hungur og ástríðu eftir Orði sínu í líkama Krists á Íslandi.    

Bæn fyrir Íslandi

1. SYNDAJÁTNING - IÐRUN

Við viljum játa syndir Íslands og hvernig við sem íslendingar höfum vikið frá Drottni.  Biðjum Guð um sanna iðrun í íslensku þjóðina.

2. AFTURHVARF - SNÚA VIÐ HÖGUM OKKAR

Við játum það út að við sem þjóð viljum hverfa aftur til Guðs og að Hann mætti snúa okkur til sín og snúa við högum okkar.

3. UNGA FÓLKIÐ

Biðjum Guð um að úthella Anda sínum yfir unga fólk þessa lands.

4. KRISTIN ÞJÓÐ

Við játum það út að við erum þjóð sem tilheyrum Honum og lútum Honum einum.

5. FÓSTURDEYÐINGAR

Biðjum Guð að enda fósturdeyðingar og að Guð snerti við mæðrum, feðrum, læknum, hjúkrunafræðingum, félagsráðgjöfum, stjórnmálamönnum og fjölmiðlum til að sjá sannleikann við að verja þetta dýrmæta líf fósturs.

6. STJÓRNMÁL

Biðjum Guð um guðlega stjórnmálamenn sem standa fyrir það sem Guðs er og hvika hvorki til hægri né vinstri frá sannleikanum. 

7. HJÓNABÖND

Biðjum Guð um að trúnaðurinn snúi aftur í hjónabönd á Íslandi. Um sáttargjörð þar sem ósætti er, endurreisn og ást.

8. BÖRNIN

Biðjum Guð um að börnin fái að koma til Hans og að ENGINN varni þeim það. Biðjum Guð að reisa börn þessa lands til að verða þjónar Hins hæðsta lifandi Guðs.

9. DÝRÐ GUÐS

Við játum út að Drottinn er heilagur og Hans er dýrðin og mátturinn, vegsemdin og hátignin yfir öllu. Biðjum Guð að opinbera dýrð sína á Íslandi og að ótti Guðs mætti vera í hjörtum hinna trúuðu svo að við heiðrum nafnið Hans með öllu lífi okkar.

Sýn sem Guð gaf og opinberun í lok föstunnar:

Sýnin sem Guð gaf undirrituðum á bænastund 13. mars í Bænahúsinu var eftirfarandi:  Ég sá Drottinn standa fyrir framan mig með leirkefli á milli handa sinna.  Hann brýtur keflið í tvennt og þá sé ég að það er hollt að innan eða eins og innsigli.  Innan í því er samanrúllað skjal sem Hann rúllar út og heldur síðan skjalinu þannig að ég sé að það er þéttskrifuð ein síða með fallegri skrift og undirskrift er í lok bréfsins.  Ég get ekki lesið hvað er á skjalinu, en andi Guðs segir við að undirskriftin sé Konungsins (sem er Jesús Kristur) og þessi leyndardómur Guðs muni verða opinberaður okkur í lok fjörutíu daga föstunnar. 

Þann 16. apríl á þverkirkjulegri bænastundinni "BÆNAÁKALL 2011" talaði Drottinn til mín í sambandi við leyndardóminn á skjalinu sem ég sá í sýninni þann 13. mars.  Hann sagði að það sem væri ritað á skjalið væri einhliða sáttmáli Guðs sem var gerður löngu áður fyrir tíma núverandi kynslóðar.  Þetta var sáttmáli sem Hann gerði vegna þess að hinir Kristnu á Íslandi höfðu beðið um úthellingu andans yfir landið.  Sáttmáli sem átti að uppfyllast á settum tíma sem enginn vissi nema Guð einn og núna væri settur tími Guðs fyrir úthellingu andans yfir Ísland.  Þessi úthelling mun verða eftir sama módeli og í Esekíel kafla 47, þar sem vatn flæðir frá musteri Guðs í fjórum flóðbylgjum.  Fyrsta flóðbylgja andans mun fara eins og í ökkla, en bylgja númer tvö mun flæða upp í hné.  Þriðja flóðbylgja andans mun ná upp í mjöðm og síðasta flóðbylgjan mun ná yfir höfuð. 

Esekíel 47:1-12.
¹Síðan leiddi maðurinn mig aftur að dyrum musterisins. Þá sá ég að vatn kom upp undan þröskuldi hússins og rann til austurs, en framhlið hússins sneri í austur. Vatnið streymdi upp við hægri hlið hússins, sunnan við altarið.  ²Þá leiddi hann mig út um norðurhliðið, fór með mig að musterishliðinu. Þar streymdi vatnið fram við suðurhliðina.  ³Þegar maðurinn kom út austan megin hafði hann mælikvarða í hendi. Hann mældi þúsund álnir og lét mig vaða yfir vatnið sem tók mér í ökkla. ⁴Þá mældi hann aftur þúsund álnir og lét mig vaða yfir vatnið sem nú tók mér í hné. Hann mældi enn þúsund álnir og lét mig vaða yfir og þá tók vatnið mér í mjöðm. ⁵Hann mældi enn þúsund álnir og var þá vatnið orðið að fljóti sem ég gat ekki vaðið yfir. Það var orðið svo djúpt að synda varð yfir það. Það var orðið óvætt fljót.  ⁶Hann spurði mig: "Mannssonur, sástu þetta?" Því næst sneri hann við og leiddi mig aftur að fljótsbakkanum. ⁷Þegar ég kom þangað aftur sá ég fjölmörg tré á fljótsbökkunum beggja vegna. ⁸Þá sagði hann við mig: "Þetta vatn streymir út á landsvæðið fyrir austan, síðan rennur það niður Jórdanardal og fellur loks í hafið og þá verður saltvatnið heilnæmt ⁹og allt sem lifir og hrærist, hvar svo sem fljótið streymir, mun lifa. Fiski mun fjölga stórum þar sem fljótið kemur því að þar verður vatnið heilnæmt og allt gæðist lífi þar sem fljótið streymir.¹⁰Frá En Gedí og alla leið til En Eglaím munu fiskimenn standa við það og þar verða net breidd til þerris. Þar verða fjölmargar tegundir fiska og fjöldi þeirra verður eins og í hafinu mikla.     ¹¹En mýrarnar og fenin fá ekki ferskt vatn, þau eru ætluð til saltvinnslu. ¹²En á báðum bökkum fljótsins munu hvers kyns aldintré vaxa. Lauf þeirra mun ekki visna og ávextirnir, sem þau bera, aldrei þverra. Í hverjum mánuði bera þau nýja ávexti því að vatnið í fljótinu kemur frá helgidóminum. Ávextirnir verða hafðir til matar og blöðin til lækninga."

Þessar flóðbylgjur andans munu kveikja nýtt líf í þeim trúuðu sem hafa verið trúfastir og einnig munu þeir sem hafa fallið frá trúnni fá nýtt tækifæri og munu endurnýjast fyrir anda Guðs.  Úthelling andans mun byrja rólega og eftir því sem við tökum á móti flæði andans með þakklæti og auðmýkt mun Drottinn úthella meira.  Það sem mun kalla fram næstu bylgju er hungur og eining meðal hinna kristnu og að Guði sé gefin dýrðin fyrir hræringu andans.  Við munum fá að sjá gríðarleg margföldunar áhrif í Guðsríkinu þar sem fólk að frelsast í stórum hópum, margir munu læknast og nýir ferskir vindar andans munu blása um kirkjuna.  Hvert gegnumbrotið á fætur öðru verður í kirkjunni og líka út í öllu þjóðfélaginu.  Einnig mun verða mikill hraði á öllu eftir þriðju flóðbylgju andans og við munum upplifa tíma í Guðsríkinu sem við höfum aldrei séð áður.  Kærleikur, gleði, fögnuður og frelsi mun snerta allt íslenskt samfélag.  Þetta mun ekki bara hafa áhrif á íslenskt þjóðfélag heldur mun þessi úthelling andans dreifast út til heimsbyggðarinnar.

Biðjum að þetta spámannlega orð mætti verða að fullri mynd sem fyrst og að við mættum bregðast við í auðmýkt og með þakklæti til konungs konunga sem er Drottinn Jesús Kristur.

Í þjónustu Konungsins,

Kolbeinn Sigurðsson

Bænahúsið, kristileg miðstöð

Sýn sem ég sá á bæna og lofgjörðardeginum 9. apríl í Kirkjulækjarkoti í 40 daga föstunni 7 mars - 16 apríl 2011. (Kosninga dagur Icesave.)

Ég sá í sýn rosa mikið óveður, og vinda blása (Það er búið að vera óvenjulega mikið rok og rigning þessa helgi, bæði laugardag og sunnudag). Mitt í storminum sé ég Jesús standa og halda úti höndunum og í höndunum sá ég hann halda á urim og turim, urim og turim eru tveir steinar sem voru í brjóstskildi æðsta prestsins á dögum Ísraels. Urim og turim er ljós og sannleikur með öðrum orðum heilagur andi og orðið í dag sem vitnar með því hver vilji Guðs er í okkar lífi, hvað Guð er að segja og leggja áherslu á hverju sinni. Jesús er okkar æðsti prestur og hann hélt á þessum tveimur steinum í sitt hvorri hendinni mitt í storminum.

Ég sá einnig vindhana sem snérist á fullu hratt í hringi til að leggja áherslu á að það virtist sem allir höfuð vindarnir fjórir blésu samtímis í einu. Og mér fannst eins og Guð segði við mig með þessari sýn að það skiptir ekki öllu máli hvaða vindar blása og hversu kröftuglega eða á hvaða stað við erum stödd á og þó að útlitið sé ekki gott og ekki gott að rata eða auðvelt að taka réttar ákvarðanir í þessu mannlega að þá hefur hann allt í hendi sinni sem skapari alls og endurlausnari. Hann hefur alltaf lausn og svör við öllu alveg sama hvað gengur á. Hann er með urim og turim, hann hefur gefið okkur sinn heilaga anda og orð sem vísa okkur leið og gefa okkur rétt svör, við þurfum bara að leita hans í ólgusjó lífsins á þessum umbreytinga tímum.

Þar sem vindhaninn snerist bara í hringi, engin sérstök stefna í óveðrinu þá fannst mér það tala mikið varðandi þessa óvissu íslensku þjóðarinnar og Icesave. Vindhaninn hring snérist, ruglingur, óvissa. Allt í einu þá hætti vindhaninn að snúast og snéri að mér fannst í austur átt. Ég hef einnig séð í sýn oftar en einu sinni flóðöldur skella á austur Bretlandi, þar lagðist askan einnig yfir sem kom frá Íslandi.

Ég talaði út orð í Kirkjulækjarkoti sem ég skrifaði hérna á bloggið í gær og þar kom fram að það væri dagur breytinga. Þegar Guð talar þá talar hann stundum á fleirri en einn hátt, í víðu samhengi. Það er stundum hægt að sjá bæði það sem hann er að gera í hinu andlega líka í hinu náttúrulega þar sem það tengist meira en marga grunar. Vissulega er þessi kosninga dagur einnig dagur breytinga, og úrslit kosningana og áhrif eiga eftir að koma í ljós.

Ég heyri eins og Guð segi; vindar breytinga eru að blása og öll þessi rigning eins og hún sé að hreinsa í burt þetta gamla og úrelda þannig að nýtt geti átt sér stað (sé þetta í samhenginu með steinunum sem liggja sem rústir að rigningin skolar í burtu moldinni og óhreinindum af steinunum). Það eru umbreytinga tímar, það eru átök í hinu andlega og í hinu veraldlega, átök segja okkur að það sé að eiga sér stað breyting. Biðjum til Guðs að Guðs vilji verði, leitum leiðsagnar Guðs, biðjum fyrir ríkisstjórninni því að líklega verður stjórnar kreppa núna, biðjum fyrir landi og þjóð. Mannleg viska dugar ekki lengur við þurfum á visku Guðs að halda og hans úrræðum.

Ég talaði við Simon Turner (Englendingur sem er staddur hérna á Íslandi) í dag, hann var að labba úti í óveðrinu og hann sagði að Guð hefði talað það sama til sín er hann fauk til og frá í rokinu.

Orð sem kom til mín í dag; Hvernig er hægt að blása til hernaðar ef enginn er lúðurinn? Hvernig er hægt að setja varðmenn á múrana er múrarnir eru rústir einar? Geta tveir orðið samferða nema þeir mæli sér mót fyrst? Getur vatn rutt sér rétta leið ef enginn er farvegurinn? Finnst Drottinn segja með þessu að hann hefur kallað fólk til að vinna ákveðna undirbúnings vinnu, þetta kall gengur út frá Guði núna, taki hver það til sín sem það á við! Guð hefur kallað fólk, leifar fólks til að vinna ákveðna undirbúnings vinnu, vinnu sem er ekki vinsæl af mörgum. Undirbúningsvinnu sem er ekki mikið sýnileg, það sést ekki mikið hvað þetta fólk er að gera því að þetta er undirbúnings vinna föstu og bænar í Jesú nafni. Vinna og verk sem er í algjörri auðmýkt frammi fyrir Guði. Vinna í auðmýkt sem er fólgin í því að róta í rústunum, róta í drullunni og hreinsa í burtu það sem ekki er nýtanlegt og flokka það til hliðar sem er nýtanlegt í rústunum til að nota síðar til þess að endurbyggja. Eins og ég sagði þá er þetta ekki vinsælt verk að vera í auðmýkt að fasta og biðja hjá mörgum Kristnum. Það er ekki auðvelt að horfa á það sem er óhreynt og ekki í lagi til að takast á við það að koma því í lag á ný, það þarf mikla náð og djörfung. Ég sé að þar sem rótað er í rústunum þá mun Guð eins og opinbera hulda fjársjóði, innan um tré, hey og hálm. Hann mun opinbera, láta finnast silfur, gull og dýra steina til endur uppbyggingarinnar. Við þurfum að byggja á réttum grunni. Hann mun gefa þeim sem trúfastlega leita hans leiðsögn, opinberun, náð til að sjá hvernig hægt er að hefja endurreisn í hans nafni. Náð til að fá nýjar hugmyndir og náð til að finna nýjar leiðir byggðar á orði hans og leiðsögn heilags anda. Þetta er ekki ósvipað því er Nehemía safnaði saman fólki til að endurreisa múra Jerúsalem. Áður en fólkið fór að endurreisa múrana þá var mikil undirbúningsvinna búinn að eiga sér stað í Babylon í gegnum föstu og bæn til Guðs. Og er endurreisnin hófst þá risu upp raddir í gegn verki Drottins og þetta munu við einnig glíma við í dag. Raddir munu rísa upp í gegn sannleika Guðs, en þær leifar fólks sem standa með sannleika Guðs munu fá sérstaka blessun er múrarnir rísa með öllum þeim táknum og undrum sem því fylgja og margir munu undrast hvernig þetta sé hægt. Minnumst þess að það var kraftaverk er múrar Jerúsalem voru reistir á aðeins 52 dögum. Ég horfi með mikilli gleði, þakklæti, tilhlökkun og eftirvæntingu á þau kraftaverk sem Drottinn mun gera á komandi dögum.

Drottinn blessi ykkur.